لقد عجبني هذا الدرس وحبيبت ان انقله لكم

خطوات التنفيذ

خليكم معاي ،،

ملاحظة مهمة: لا تقولون الدرس وايد طويل ،، بالعكس هو بسيط وسهل ،، لكني حطيته بالتفصيل ،، يعني في اعتقادي حتى المبتدئين يرومون يبطبقون ها الدرس ،،

الأول مايتحرك



والثاني يتحرك



الخطوة الاولى:

نفتح صفحة جديدة بالمقاييس اللي تبونه حسب حجم النص،،



وانا اخترته بهذي المقاييس



الحين صار عندنا صفحة العمل مثل هذي الصورة

الخطوة الثانية

نضغط على الحرف (D) من لوحة المفاتيح عشان نحول الألوان للأبيض والأسود كالآتي وبواسطة أداة السطل الموجودة في قائمة الأدوات على يسار الشاشة نلون المساحة البيضاء بالأسود

نضغط على حرف (X) من لوحة المفاتيح لعكس اللونين الابيض والاسود وباستخدام أداة النص
نكتب النص المطلوب اللي صار لونه بالابيض ،،
لاحظوا الصورة بعد كتابة النص عليه

الخطوة الثالثة:

الحين نروح لـ Image >> Rotate Canvas >> 90° CCW

ويصير عندنا مثل ها الشكل:

الخطوة الرابعة:

نطبق ها الفلتر: Filter >> Stylize >> Wind

لما بتختارون ها الفلتر ،، بيطلعلكم بوكس ثاني يطلب منكم تحويل النص لصورة ،، اضغطوا OK

عقب بيظهر لنا البوكس اللي بنحدد من خلاله خصائص الفلتر ،، ونعمل التالي:

نتأكد من تحديد التالي:
Method = Wind
Direction = From the Right

لاحظوا الصورة

وبتكون النتيجة كالتالي:

نكرر ها الفلتر أكثر من مرة بالضغط على (Ctrl+F) من لوحة المفاتيح ،، إلى أن نصل لشكل مشابه لهذا

في الشكل السابق أنا ضغطت (Ctrl+F) مرة وحدة
---
الخطوة الخامسة

الحين لازم انعدل الشكل ونردة لوضعه الطبيعي ،،
نروح لـ Image > Rotate Canvas > 90° CW
لاحظوا انكم ما تتخربطون في CW ،،

الخطوة السادسة

نطبق ها الفلتر:
Filter >> Blur >> Gaussian Blur

بيظهر لنا ها البوكس


مثل ما هو موضح في الصورة أنا اخترت القيمة 1.5 لكن بإمكانكم تزيدون او تنقصون حسب ذوقكم وحاجة النص ،،

وتكون النتيجة

الخطوة السابعة

وعقب ما وصلنا لهذي المرحلة ،، لازم يكون عندنا لير واحد بس ،، عشا جي بندمج كل الليرات مع بعض بتطبيق التالي:
Layers >> Flatten Layers

الخطوة الثامنة

بعد ما صار عندنا لير واحد بنعطيه تأثير النار عن طريق تلوين النص بتطبيق التالي:
Image >> Adjust >> Hue/Saturation
ـ أو ـ نستخدم الاختصار (Ctrl+U).


بيظهر لنا ها البوكس:

نتأكد من تحديد colorize مثل ما هو موضح بالصورة ،، ونخلي الـ saturation بدرجة 100 أما الـ Hue فأي درجة من درجات اللون البرتقالي حسب تفضيلكم ،، وأنا اخرت 30

بتشوفون الصورة كالتالي :


الخطوة التاسعة:

ننسخ الير اللي عندنا عن طريق ،، نقرة على اليمين على اللير ونختار Duplicate layer من القائمة اللي بتظهر ,,



الخطوة العاشرة:

وعلى اللير الجديد ،، نطبق نفس الخطوات اللي هي:

Image > Adjust > Hue/Saturation
ـ أو ـ نستخدم الاختصار (Ctrl+U).

نفس الطريقة الأولى ،، لكن هني الـ Hue لازم نختارة بدرجات الاحمر وانا اختر (0)

ونلاحظ النتيجة

الخطوة الحادية عشرة:

في نفس اللير اللي احنا نشتغل عليه واللي لوناه بالأحمر نحول خاصية اللير من Normal لـ Colour Dodge

مثل ما هو موضح في الصورة ،،

بتكون النتيجة كالتالي:

الخطوة الثانية عشرة:

مرة ثانية لازم ندمج الليرات ،، بتطبيق التالي:
Layers > Flatten Layers

الخطوة الثالثة عشر:

الحين وباستخدام الاصبع بنمسح على الألوان في الصورة بشكل متموج لأعلى حسب اتجاه السهم في الصورة عشان يعطينا تأثير ألسنة اللهب :

الخطوة الرابعة عشر:

باستخدام أداة الكتابة الكتابةبنرد نكتب نفس النص مرة ثانية (بنفس الخط ونفس الحجم) باللون الاسود ونثبت الكتابة الثانية على الأولى باستخدام أداة المؤشر وبتكون النتيجة كالتالي:

الخطوة الخامسة عشر:

يتبع ... يتبع

الخطوة الخامسة عشر:

عودة إلى الليرات او الشفافيات ،، الحين لازم انحدد النص ،، شي طريقة سهلة ،، نضغط على Ctrl من لوحة المفاتيح مع نقرة على اليمن من الماوس على لير النص اللي ضفناه ،، بنلاحظ ان النص تحدد ،، نضيف شفافية يديدة بالضغط على هذا الرمز الموجود في اسفل بوكس الليرات ،،
شغلنا الحين على اللير الجديد ، لكن لازم نتأكد أن اللون الأبيض في مقدمة اللون الاسود وباستخدام الفرشاة المناسبة
نمسح أسفل النص عشان نعطي تأثير اللمعة البيضة دليل الاشتعال ،،
يفضل استخدام الفرشاة ذات الحواف الضبابية ،، كما في الصورة

لاحظ تحديد النص وطريقة استخدام الفرشاة:

ملاحظة .. لتحديد النص بالكامل وبسهولة ،، اضغط على زر Ctrl من لوحة المفاتيح ،، وأثناء ذلك انقل مؤشر الفأرة ــ الماوس ــ للير النص في بوكس الليرات واضغط عليه ..
طبعاً الحين وضع الليرات كالتالي:

الخطوة الأخيرة:

يفضل دمجها في لير واحد بنفس الطريقة السابقة وهي:

Layers >> Flatten Layers

وسنحصل على ها الشكل في قائمة الليرات:

والنتيجة النهائية

الحين نبي نخليه يتحرك

الخطوة الأولى:

اللي بنسويه الحين هو نسخ ها اللير ،،
عن طريق Layers > Duplicate layer

الخطوة الثانية:

نشيل علامة العين عن اللير الموجود في الأسفل ،،

نحدد اللير الجديد (الموجود في الأعلى) عن طريق النقر عليه بالفأرة حتى يصبح لونه ازرق ،، مثل ما هو موضح في الصورة ،،
سؤال: كيف اشيل علامة العين
في بوكس الليرات انقر على العين بواسطة الفأرة ويتنشل على طول

[IMG]http://www.jewelsuae.com/psd/allDoroos/Doroos/dEsh3al/dEsh3al5.gif[/IMG
واللي مو ظاهر عنده بوكس الليرات يروح على

Window ويتأكد من وضح إشارة صح على كلمة Layers

الخطوة الثالثة:

باستخدام أداة الإصبع من قائمة الادوات بنمسح على الالوان بشكل زجزاجي أو متموج لأعلى ــ مثل ما سوينا في االدرس السابق ،، بس حاولوا انكم ما تون صوب النص وانتوا تستخدمون هاي الاداة ،، عشان ما نفقد وضوح وأناقة النص

الخطوة الرابعة:

مرة ثانية ننسخ اللير عن طريق:
Layers > Duplicate layer

وبيكون عندنا 3 ليرات ،، ومثل ما هو موضح في الصورة نشيل علامة العين من الليرات اللي اشتغلنا عليها ــ وانا حطيت مكانها نقط حمرة للتوضيح ــ ونحدد اللير الجديد


وباستخدام الاصبع نكرر نفس الحركة السابقة

ولما نوصل للنتيجة اللي احنا راضين عنها ننتقل للإمج ردي ،،
وللانتقال للامج ردي 3 طرق استخدموا اللي يعيبكم:

الطريقة الاولى: File > Jump To > Adobe ImageReady
الطريقة الثانية: Shft + Ctrl + M
الطريقة الثالثة: هو الانتقال للامج ردي عن طريق الرمز الموجود اسفل قائمة الادوات مثل ما هو موضح في الصورة

الحين احنا في الامج ردي ،،

بيظهر لنا بوكس مثل هذا ،، لازم نضغط على السهم الموضح في الصورة عشان نظهر باقي البراوزات ونختار Make Frames From Layers

وبتكون النتيجة كالتالي:

لاحظوا معاي مكان الدايرة الحمرة في الصورة التوضيحية ،، هني نتحكم في الوقت ،، وانا اخترت sec. 0.1 ،، وانتوا ممكن تخلون الوقت مثل ما هو ،، او انكم تغيرونه مثل ما تحبون ،، لكن يستحسن ما تستخدمون فترات زمنية طويله عشان الصورة ما تفقد تأثيرها الناري الفنان

وصلنا للخطوة الاخيرة والمهمة ،، واللي مالنا غناة عنها واللي ...........!!

احم ،، يستحسن ادش في الموضوع على طول ،، خخخخخخخخخخخخخ

لازم انخزن الابدع اللي سويناه واحنا في الامج ردي نروح لــ :

File > Save Optimized As

ونكمل عملية التخزين كالمعتاد

وهاي النتيجة النهائية

جزاكم الله خير على حسن المتابعة

وآسف على الإطااااالة

السلام عليكم ورحمه الله وبركاته

( abou 3obaida حامل_الخير غرااام مجروووح)

اشكركم علي مروركم اللطيف

والله يعطيكم الف عافيه